Йиғилишда биринчи чоракда ЯИМ 8,7 фоизга ўсгани, инфляция 7,1 фоизга тушгани, инвестициялар 13,7 миллиард долларга етгани қайд этилди. Шу билан бирга, 3 миллионга яқин сайёҳ келиб, туризм экспортидан 1,1 миллиард доллар даромад олинди.
Энергия соҳасида йўқотишлар юқори бўлган туманларда раҳбарлар фаолияти танқид қилиниб, тежамкорлик ва самарадорликни ошириш, ёш кадрлар ва сунъий интеллектни жалб қилиш топширилди. Банк тизими орқали кичик ва ўрта бизнесни қўллаб-қувватлаш кенгайтирилиб, 140 триллион сўм йўналтирилаётгани айтилди.
Шунингдек, инфляцияни 6,5 фоиз даражасида сақлаш, ташқи бозордаги нарх босими шароитида маҳаллий маҳсулотлар таклифини ошириш зарурлиги таъкидланди. Раҳбарларга эса хотиржамликка берилмасдан, янги шароитда иш услубини тубдан ўзгартириш вазифаси қўйилди.
