Эроннинг “Fars” ахборот агентлиги хабар беришича, 7 январь куни юз берган тартибсизликларда икки киши ҳалок бўлиб, 30 га яқин киши жароҳатланган.
Намойишчилар полиция ходимларига тош ва ўқотар қурол билан ҳужум қилган, бир нечта маъмурий биноларга, жумладан туман ҳокимияти биносига зарар етган.
Эслатиб ўтамиз, 5 январь куни ҳам Эронда норозилик намойишларида камида 35 киши ҳалок бўлган ва 1200 дан ортиқ киши ҳибсга олинган эди. Норозиликларнинг сабаби — Эрон риали курсининг кескин пасайиши ва иқтисодий қийинчиликлар.
Ҳудудда хавфсизлик чоралари кучайтирилган, интернетдаги трафик вақтинча чекланган, полиция эса тартибсизликларни ташкил қилувчиларни аниқлаш ва қўлга олиш бўйича фаол ҳаракат олиб бормоқда.
