Фармацевтика маҳсулотлари хавфсизлиги маркази хабар беришича, Ҳиндистоннинг “Dr. Reddy’s Laboratories Ltd” компанияси томонидан ишлаб чиқарилган “Телсартан H 80 мг/12,5 мг” препаратининг C2501976 сериясида гидрохлоротиазид миқдори белгиланган меъёрдан четга чиққан. Шу боис ушбу серия дори муомаласидан қайтариб олинади.
C2501977 сериясида номувофиқлик аниқланмаган, аммо профилактик чора сифатида у ҳам бозордан олиб чиқилмоқда. Фуқаролардан ушбу препаратдан фойдаланмаслик ва зарурат туғилса, шифокор билан маслаҳатлашган ҳолда альтернатив дори воситасини танлаш тавсия этилмоқда.
Марказ аҳолини расмий манбалардан текширилган ахборотга таянган ҳолда дори воситалари билан иш юритишга чақиради.
