“Ўзбекистон темир йўллари” АЖ маълум қилишича, чипталар нархи эксплуатация ва энергия харажатлари, техник хизмат кўрсатиш, эҳтиёт қисмлар ҳамда электропоездларни модернизация қилиш билан боғлиқ харажатлар ошгани сабаб янгиланди.
Янги тарифларга кўра, Тошкент—Бухоро йўналишида VIP чипта 1 млн 138 минг сўм, бизнес — 760 минг сўм, эконом — 509 минг сўмни ташкил этди. Тошкент—Қарши йўналишида VIP — 976 минг, бизнес — 642 минг, эконом — 429 минг сўм, Тошкент—Самарқанд йўналишида эса VIP — 709 минг, бизнес — 455 минг, эконом — 311 минг сўм этиб белгиланди.
Шунингдек, “Шарқ”, “Насаф” ва “Ўзбекистон” йўловчи поездлари чипталари нархи ҳам 15 фоизга оширилди. Аввалроқ тезюрар поездлар тарифларини давлат томонидан тартибга солиш амалиётидан воз кечилиб, бозор тамойилларига ўтиш белгиланган эди.
