Трамп ўзининг Truth Social саҳифасида Канада ва АҚШни боғловчи янги автомобиль кўприги — Горди Хоу кўпригини очишни, Канада АҚШга берган барча ёрдамлар учун “тўлиқ компенсация” олмагунча тақиқлашини маълум қилди.
Кўприк Канаданинг Онтерио провинцияси билан АҚШнинг Мичиган штатини боғлайди. Лойиҳа 2018 йилдан бери қурилмоқда ва қиймати 6,4 миллиард Канада долларини ташкил қилган. Трампнинг айтишича, АҚШ лойиҳанинг камида ярим қисмига эгалик қилиши керак, музокаралар дарҳол бошланиши лозим.
Кўприк 2026 йил бошида синов ва тасдиқлашдан сўнг очилиши кутилаётган эди. Трампнинг чиқиши икки давлат ўртасидаги иқтисодий ва сиёсий муносабатларга янгича мураккаблик қўшди.
