2026 йил 29 апрель куни соат 17:05 да Яшнобод тумани Тошкент ҳалқа автомобиль йўли кўчасида жойлашган омборхонада ёнғин юз бераётгани ҳақида Тошкент шаҳар ФВББга хабар келиб тушган.
Маълум қилинишича, қутқарув экипажлари соат 17:08 да воқеа жойига етиб борган ва айни пайтда ёнғинни бартараф этиш ишларини олиб борган. Вазият Тошкент шаҳар ФВББ томонидан тўлиқ назоратга олинган.
Ёнғин соат 17:30 да қуршаб олинди. Ҳодиса оқибатида тан жароҳати олганлар ҳақида хабар келиб тушмади. Ҳозирда ёнғин сабаби ва етказилган моддий зарар миқдори аниқланмоқда.
Ижтимоий тармоқларда Яшнобод туманида бозорда ёнғин содир бўлгани ҳақида хабарлар тарқалди. Аслида, бугунги ёнғин ишлаб чиқариш корхонасига тегишли омборхонада содир бўлган бўлиб, у бозорга тегишли эмас.
Ёнғин бозор ҳудудига яқин жойда юз бергани сабабли ижтимоий тармоқларда хабар нотўғри талқин қилинган. Қўшимча маълумот тақдим этилади.
