Инсайдер Фабритсио Романога кўра, у келажакда бошқа футбол лойиҳаларига ҳам сармоя киритишга тайёр. Бу ҳақда Zamon.uz маьлум қилди.
Аввалроқ, Криштиану Роналду ўз инвестиция компанияси орқали Алмерия клубининг 25 фоиз акциясини сотиб олгани хабар қилинганди. Фабритсио Романо маълум қилишича, бу сармоя Роналдунинг футбол майдонидан ташқаридаги фаолиятида фақат бошланиши бўлиб, у янги ва истиқболли лойиҳаларга ҳам сармоя киритишни кўзламоқда.
Маълумки, Роналду узоқ йиллардан буён бизнес соҳасида ҳам фаол. У меҳмонхона ва ресторанлар тармоғига эгалик қилади, шунингдек, CR7 бренди остида турли маҳсулотлар ишлаб чиқаради. Ҳозирда футболчи Ал-Наср билан 2027 йилгача мўлжалланган шартномага эга.
