Агар Исроил ОАВ хабарига ишонилса, БААнинг Эрондаги сувни чучуклаштириш қурилмасига зарба бериши анча ғалати кўринади. Чунки БАА сув таъминотининг тахминан 90 фоизини айнан шундай чучуклаштириш қурилмалари орқали олади. Шунинг учун Эрон томонидан уларга жавоб зарбаси берилиши Араб Амирликлари учун катта фалокат бўлиши мумкин.
Эслатиб ўтамиз, аввалроқ Исроил оммавий ахборот воситалари Қатар Эронга зарба берганини хабар қилган, аммо Доҳа буни рад этганди.
Шунингдек, Ироқ курдлари яқин кунлар ичида Эронга қарши урушга қўшилиши хабар берилган, лекин курдлар ҳозирча буни тасдиқламаган.
Бундан ташқари, Исроил матбуоти Озарбойжон тез орада Эронга ҳужум қилишини эълон қилган, президент Алиев бундай режаларни рад этган.
