АҚШнинг президенти Дональд Трамп ва Россия раҳбари Владимир Путин ўртасидаги телефон суҳбатида Украина можароси, оташкесим ва халқаро масалалар муҳокама қилинди.
Россия президенти ёрдамчиси Юрий Ушаков маълум қилишича, мулоқот бир ярим соатдан ортиқ давом этган. Суҳбат давомида Трамп Россия томонидан аввал эълон қилинган Пасха оташкесимини ижобий баҳолаган ва 9 май — Ғалаба куни муносабати билан янги оташкесим ташаббусини қўллаб-қувватлаган.
Путин эса ҳарбий ҳаракатлар давом этаётганини таъкидлаб, Россия ўз мақсадларига эришишини билдирган. Шу билан бирга, томонлар Украинадаги можарони ҳал этиш бўйича келишувга эришиш имкониятини ҳам муҳокама қилган.
