Бугун, 26 март куни Ўзбекистон ҳудудида, хусусан Бухоро вилоятида зилзила содир бўлди.
Сейсмопрогностик мониторинг Республика маркази маълумотига кўра, ер қимирлаши соат 04:24 да Пешку туманида кузатилган. Зилзиланинг магнитудаси 3,7 ни ташкил этган бўлиб, чуқурлиги 15 км бўлган. Эпицентр Тошкентдан 494 км жанубий-ғарбда жойлашган.
Маълум қилинишича, зилзила Пешку туманида 3 балл куч билан сезилган. Ҳозирча вайронагарчилик ёки жабрланганлар ҳақида маълумот берилмаган.






