Оҳаё штатининг Цинциннати шаҳридаги Пайcор стадиони яқинида ноқонуний кўча пойгаси ташкил этишда гумон қилинган 6 нафар шахс қўлга олинди. Бу ҳақда маҳаллий нашрларга таяниб UzNews маълум қилди.
Қўлга олинганлар орасида Ўзбекистон фуқаролари ҳам борлиги қайд этилган. Уларга стадион ҳудудига ноқонуний кириш ва айрим ҳолатларда ноқонуний пойга уюштириш айбловлари қўйилган.
Ҳодиса стадион хавфсизлик хизмати мурожаатидан сўнг аниқланган. Полиция томонидан Audi, BMW, Ford Mustang ва Dodge Challenger русумли автомобиллар жарима майдонига олиб кетилган. Суд эса иштирокчиларга 2500 долларгача жарима белгилаган.
