Тошкентда йўл қатнов қисмида пойга уюштириб, фуқароларнинг ҳаётини хавфга қўйган ва жамиятда юриш-туриш қоидаларини кўпол равишда бузган икки йигит жазоланди. Бу ҳақда ЙҲХБ ахборот хизмати раҳбари Зоир Йўлдошев хабар берди.
27 март куни соат 03:40 ларда пойтахтнинг Олмазор тумани кўчаларидан бирида Лаcетти ва Оних автомашиналарида пойга уюштирилаётгани, ҳаракат қоидалари билан бирга жамоат тартиби бузилаётгани юзасидан хабар келиб тушган.
Ички ишлар органлари ходимлари томонидан мазкур кўчалардаги камера ёзувлари, воқеа гувоҳларининг кўрсатмалари асосида ўтказилган суриштирувлар давомида ҳуқуқбузарлар 27 ёшли Рамз Исломов ҳамда 21 ёшли Азимжон Абдусатторов экани аниқланди.
Шу куннинг ўзида автомашиналар жарима майдонига қўйилиб, ҳуқуқбузарларга нисбатан қонуний чора кўриш учун тайёрланган ҳужжатлар суд органларига тақдим этилди. Жиноят ишлари бўйича Олмазор туман судининг қарори билан қонунбузарларнинг ҳар бирига нисбатан 10 суткадан маъмурий қамоқ жазоси тайинланди.
“Машинани қаттиқ, баланд овозда ҳайдаганим учун узр сўрайман. Кимнинг тинчлигини бузган бўлсам ҳам, узр сўрайман. Бу ҳолат бошқа такрорланмайди”, деган Лаcетти ҳайдовчиси. Оних ҳайдовчиси ҳам машинани қалтис қўзғалтириб, тезликни оширгани учун пушаймон эканини билдирган.
ЙҲХБ вакили юқоридаги шахсларнинг қонунбузарликларидан жабрланган фуқаролардан ИИОга мурожаат қилишларини сўради.
