Андижон шаҳрида бекатлардан бирида ёнғин юз берди. Ҳодиса ҳақида вилоят Фавқулодда вазиятлар бошқармаси маълум қилди.
Қайд этилишича, 6 июнь куни соат 16:20 да 112 хизматига шаҳарнинг “Яхши” МФЙ, Пирмуҳамедов кўчаси йўли бўйида жойлашган бекатда ёнғин чиққанлиги ҳақида хабар келиб тушган.
Қутқарувчилар соат 16:25 да ҳодиса жойига етиб борган ва ёнғин 16:32 да тўлиқ ўчирилган.
Ҳодиса оқибатида бекатнинг 20 квадрат метр қисми зарарланган, жабрланганлар қайд этилмаган.
Эслатиб ўтамиз, аввалроқ Жиззах вилоятида ҳаракатланаётган юк автомобилида ҳам ёнғин содир бўлганди.
