Янги 2017 йилни кўнгилдагидек қаршилаш учун қуйидаги ёнғин хавфсизлиги талабларига риоя қилинг. Ўзингиз, фарзандингиз ва яқинларингизнинг ҳаётини хавф остида қолдирманг!
1. Арчани ҳар қандай бинонинг биринчи қаватидаги кенг хоналардан бирига ўрнатинг. Безалган хонанинг камида иккита чиқиш жойи бўлиши шарт.
2. Муассаса раҳбарлари тантана бошланиши олдидан ёритгичларнинг созлигини, электр сим ва кабелларни уланиши «Электр ускуналарини тузилиши қоидалари» асосида бажарилганлигини, ёнғинни ўчиришнинг бирламчи воситалари мавжудлигини ва ишга яроқлилигини текшириб кўришлари зарур.
3. Янги йил байрам тадбирлари ўтказиладиган объектларда арчанинг мустаҳкам ўрнатилиши, шохлари девор ва шифтларга тегмаслиги, меъёр талабларига жавоб бермайдиган, кучланиш 12 В дан ва қуввати 25 Вт. дан юқори бўлган электр гирляндалари ва тез алангаланувчи буюмлар билан безатилмаслиги қаттиқ назоратга олиниши зарур.
3. Арчани қоғоз, целлюлоид ўйинчоқлар, пахта ва тез ёнувчи материаллар билан ясатиш мумкин эмас.
4. Арчани иситиш мосламалари ёнида ўрнатиш таъқиқланади.
5. Байрам маросимлари вақтида бенгал шами, мушак ва бошқа турли пиротехника воситаларидан фойдаланиш қатъиян таъқиқланади.
6. Болаларни арча атрофида ва арча ўрнатилган хонада ёлғиз, қаровсиз қолдириш ҳамда уларга тез ёнувчи хомашёлардан тайёрланган кийимларни кийдириш ярамайди.
7. Очиқ оловдан фойдаланиш ва шунга ўхшаш ёнғин ёки портлаш хавфи бор ишларни амалга ошириш мумкин эмас.
8. Қаторлар оралиғидаги ўтиш жойларини торайтириш, у ерларга қўшимча стул ёки ўриндиқлар ўрнатиш ва белгиланган меъёрдан кўп одам билан хоналарни тўлдириш ман этилади.
9. Эҳтиёт шарт, агарда ёнғин аломати сезилса, аввало болаларни хавфсиз жойга чиқариб, тезда «101» рақамига қўнғироқ қилинг.
10. Хонадонларда носоз газ ва электр мосламалар, қўлбола иситиш ускуналаридан фойдаланишига йўл қўйманг.
