Пойтахтга миграция қонунчилигини бузган ўзбекистонликлар олиб келинган чартер рейс қўнди. Бу ҳақда "Дунё" ахборот агентлиги хабар берди.
1 май куни Тошкент халқаро аэропортига келиб қўнган самолёт бортида 26 нафар фуқаро бўлган. Улар АҚШ миграция қоидаларини бузгани учун депортация қилинган.
Қайд этилишича, фуқароларни қайтариш Ўзбекистон ва АҚШ ваколатли идоралари ҳамкорлигида амалга оширилган.
Барча ташкилий ва ҳуқуқий жараёнлар, жумладан шахсни аниқлаш, ҳужжатларни расмийлаштириш ва хавфсиз ташиш ишлари тезкор тарзда бажарилган.






