БАА Фуқаролик авиацияси бош бошқармаси мамлакат ҳаво макони тўлиқ очилгани ва аввал хавфсизлик сабабли жорий этилган барча профилактик чекловлар бекор қилинганини маълум қилди.
Расмий баёнотга кўра, қарор авиация хавфсизлиги бўйича вазият ҳар томонлама баҳоланганидан сўнг, тегишли идоралар билан ҳамкорликда қабул қилинган. Шу билан бирга, мамлакат авиация тизимида одатий парвозлар режими қайта тикланди.
Таъкидланишича, БАА томонидан ҳаво маконидаги хавфсизлик устидан 24 соат давомида ҳақиқий вақт режимида узлуксиз мониторинг олиб борилади. Бу чора юқори даражадаги авиация хавфсизлигини таъминлашга қаратилганини билдирган.
Шунингдек, Қатар, БАА, Баҳрайн ва бошқа араб давлатлари хавфсиз деб эълон қилиниб, рейслар қайта тикланмоқда.
