– Фарзандим тез-тез шамоллаб туради. Дугоналаримдан бири иммунитетни кўтариш учун мўлжалланган шамчалардан фойдаланишни тавсия қилаяпти. Бу қанчалик самара бериши мумкин?
Озода Ҳолиқова, Тошкент шаҳри
Саволга шифокор педиатр Магина АРТИКОВА жавоб беради
– Боланинг иммунитетини мустаҳкамлашдаги энг яхши усуллар бу тўғри овқатлантириш, тоза ҳавода сайр қилиш ҳамда жисмоний чиниқтиришдир. Иммун тизимини рағбатлантириш мақсадида ишлаб чиқарилган шамча ва препарат кўринишида воситалар шаклланаётган бола организмига ножўя таъсир кўрсатиши мумкин. Қолаверса бундай воситаларни иммунограмма таҳлилидан сўнг шифокор билан маслаҳатлашган ҳолда бажариш тавсия этилади.
