Биласизми, қизлар отасининг меҳри туфайли ҳимояланганлик ва ўзига ишонч туйғулари ҳис қилишади. Шунинг учун ҳар қандай вазиятда ҳам уни яхши кўришингизга заррача шубҳаланмаслиги лозим. Жаҳлингиз чиққанда, қўпол муомала қилишдан эҳтиёт бўлинг.
Болалигидан дунёдаги энг яхши эркакни сизнинг қиёфангизда кўради. Бунга аёлингиз билан муносабатларни тўғри йўлга қўйганингиз сабаб. Галдаги вазифангиз, шу муҳитни сақлаб қолиш. Лозим бўлса, янада ривожлантиришдан иборат. Бунинг учун онасини ардоқлашингизни фарзандингиздан яширманг.
Қўғирчоқ ўйнаб ўтирган қизингиз ҳадемай хонадонингиздан учирма бўлади. Унинг хотиралари ширин бўлишини таъминланг. Байрамларни, муҳим саналарни унутманг. Арзимаган сабаблар билан ҳам шодиёна уюштиришга одатланинг.
Қизалоқларингиз билан қизиқарли ўйинлар ўйнанг, у билан бирга завқланинг. Ўрни келганда, олқишу қарсакларингизни аяманг.
Ўсмирлик даврида ҳар бир қизда замонавий мусиқага қизиқиш пайдо бўлади. Баъзида бу қўшиқлар қулоқларингизни қоматга келтириб юбориши ҳам эҳтимолдан йироқ эмас. Аммо сиз шу мусиқанинг айнан қайси жиҳатлари унга ёқишини сўраб кўринг. Нима учун дейсизми, иккингиз суҳбатлашишингиз учун мавзу бўлади-да. Ёдингизда бўлсин, бу қизиқиш ўтиб кетади, аммо кўнгилдаги хиралик бутун умрга сақланиб қолиши мумкин.
Қизалоғингиз иродали ва соғлом бўлиши учун уни, албатта, спортга ошно қилинг. Енгил атлетика, бадиий гимнаситика, рақс... Танлаш имкониятини ихтиёрига қўйиб беринг.
Барча оталар қизлари учун қўлларидан келган шароитни яратиб беришади. Аммо, барибир, орада қандайдир девор бордек туюлаверади. Сизда бундай бўлишини истамасангиз, самимийликни йўқотманг. Баъзида берган ваъдангизни бажаришга имкон топа олмайсиз, гоҳида адолатсизлик қилишингиз мумкин. Мана шундай пайтларда адашганингизни тан олишдан уялманг. Ишонинг, бу орангиздаги музликларни эритишга кўмаклашади.
16.12.2019, 11:35
Тошкентдайигит ва қиз ўртасида рашк сабабли келиб чиққан жанжал оқибатида қиз севгилини пичоқлади. Йигит эса бахтли тасодиф билан омон қолган. Бу ҳақда «Замон» ахборот дастурида...
14.12.2019, 20:26
Косон туманидаги 6-умумий ўрта таълим мактабининг 11-синф ўқувчиси Н.Б. 4 декабрь, чоршанба куни ўз жонига қасд қилиш ҳолатлари билан вафот этгани ҳақида хабар берган эдик....
13.12.2019, 19:35
Мажбурий ижро бюроси органларида давлат ижрочилари турли хил қизиқ воқеаларга ҳам гувоҳ бўлиб қолишади. Хусусан, фуқаролик ишлари бўйича Фарғона туманлараро судининг 2019 йил 17 сентябрдаги ижро...
12.07.2017, 11:50
Севастополь шаҳрида чақалоғига манний бўтқасини бериб, бўктириб ўлдирган аёл суд қилинадиган бўлди, деб хабар берди Ntv.ru нашри. Тергов бошқармасининг маълумот беришича, 26 ёшли аёл эҳтиётсизлик...
