Мамлакатимиз ёш спортчилари Минск шаҳрида спорт гимнастикаси бўйича ўтказилган очиқ мусобақада учтадан олтин ва бронза медални қўлга киритди. Бу ҳақда ЎзА хабар бермоқда.
Мусобақанинг кўпкураш баҳсларида қатнашган Ўткирбек Жўраев ва Анастасия Мирошниченко шоҳсупанинг энг юқори поғонасига кўтарилди.
А.Мирошниченконинг алоҳида машқлари ҳам ҳакамлар томонидан юқори баҳоланди. Спортчимиз таяниб сакраш бўйича олтин, параллел брусда машқ бажариш ва эркин машқ бажариш бўйича бронза медалларга сазовор бўлди.
Яна бир спортчимиз Дилдора Орипова кўпкураш баҳсларида 46,7 балл билан учинчи ўринни эгаллади.
