Анъанага кўра ҳар йили 1 апрелдан эътиборан Ўзбекистонда коммунал хизматларнинг (электрэнергия, табиий газ, иссиқлик ва сув таъминоти ҳамда канализация) тарифлари оширилади.
Молия вазирлигидан маълум қилишларича, бу йил коммунал хизматларнинг тарифлари оширилмайди. Эндиликда ички бозорда нархларни барқарорлигини таъминлаш мақсадида тарифлар оширилиши ўртача йиллик инфляция даражасидан ошмайди.
Шу билан бирга иссиқлик ва сув таъминоти хизматларини кўрсатадиган корхоналарнинг ҳаражатларини камайтириш ҳамда иш самарадорлигини ошириш мақсадида Ҳукумат томонидан комплекс чора-тадбирлар амалга оширилмоқда.
