АҚШ президенти Дональд Трамп Financial Times газетасига берган интервьюсида ГФР канцлери Ангела Меркель билан бўлган учрашув “аъло” даражада ўтганлигини, нима учун унинг қўлини ушлаб, кўришмаганлигига изоҳ берди, деб хабар берди News.mail.ru нашри.
ГФР канцлери Ангела Меркелнинг АҚШ президенти Дональд Трамп билан илк учрашуви 17 март куни бўлиб ўтган эди. Оқ уйда ўтказилган фотосессияда журналистлар Трамп ва Меркелдан бир-бирининг қўлини ушлаб кўришишни илтимос қилишди, аммо Америка президенти буни истамади.
“Меркель билан бўлган учрашув аъло даражада ўтди. Мен унинг қўлини тўрт-беш маротаба сиқиб кўришдим. Кейин иккаламиз алоҳида стулларга ўтирдик. Мухбирнинг “Маркелнинг қўлини ушланг”, деган гапини эшитганим йўқ”, деди Дональд Трамп.
