Исроилнинг йирик партияларидан бири бўлган “Авода” партияси сайлов америкалик хонанда Бритни Спирснинг концерти билан бир кунга тўғри келгани учун сайловни бошқа кунга қолдирди, деб хабар берди Ria.ru нашри.
Сайловнинг 4 июлдан 3 июлга кўчирилишига тадбирда жамоат тартибини сақлаш учун жуда кўп сонли қўриқчилар керак бўлиши сабаб бўлди.
“Сайловнинг қолдирилишига жуда кўп қўриқчилар керак бўлгани сабаб бўлди. Чунки сайловда ҳам, Бритни Спирснинг концертида ҳам жамоат тартибини сақлаш учун жуда кўп қўриқчи керак бўлади. Бу эса тадбир ўтказиш жараёнини қийинлаштиради” деб маълумот берилди нашрга.
Маҳаллий матбуотнинг ёзишича, “Авода” сайлов куни йўллардаги тирбандликдан ҳам хавфсирамоқда. Тель-Авивнинг марказий хиёбонларидан бири “Ха-Яркон”да ўтказилиши режалаштирилган Бритни Спирснинг концертини томоша қилишга мамлакатнинг олис вилоятларидан ҳам ўн минглаб томошабинлар ташриф буюриши кутилмоқда.
