Кеча, 7 апрель соат 15:00 да Стокгольм шаҳри марказида юк машинаси бир тўда оломонни босиб ўтди ва бинога урилиб, ёниб кетди, деб хабар берди Ntv.ru нашри.
Швед ОАВлари Сткгольмдаги теракт акс этган видеони эълон қилди. Кузатув камераси кўчадан кетаётган юк машинасини видеога олган. Кадрда аввалига кўчада хотиржам сайр қилиб юрган одамларнинг саросима ва ваҳимага тушгани, улардан баъзиларининг дўкон ичига қочиб киргани, дераза олдидан катта тезликда юк машинаси ўтиб кетгани акс этган. Сўнгги маълумотларга кўра, ҳужум уюштирган одам қўлга олинган ва у айбини тан олган. Полиция берган хабарга кўра, теракт оқибатида 4 киши ҳалок бўлган, 15 киши яраланган. Маҳаллий нашрнинг ёзишича, Сткогольм марказида одамларни босиб кетган юк машинаси ўғирланган бўлган.
