Йил охиригача республикадаги 50 та кинотеатр бир тармоққа уланади. Бу ҳақда Кинематографияни ривожлантириш Маркази директори Ойбек Абдушукуров куни кеча ўтказилган матбуот анжуманида маълум қилди.
У бугунги кунда бирлашган прокат тизими мавжуд эмаслиги яратилаётган фильмларнинг нимойишларини бир вақтнинг ўзида республиканинг барча ҳудудларида амалга оширишнинг имкони йўқлигини ва бунинг оқибатида кинога сарфланган ҳаражатлар қопланмаётганлиги, киностудиялар зарарга ишлаётганлиги, бу эса киноиндустрия ривожига тўсқинлик қилаётганлигини қайд этди.
Кинопрокат тизимини ташкил этиш, бу борада илғор замонавий технологиялардан кенг фойдаланиш, кинопрокатнинг истиқболли янги тармоқларини ташкил қилиш учун зарур шароитларни яратиш Кинематографияни ривожлантириш Марказинингасосий йўналишларидан бири саналади.
Эндиликда Марказ Ўзбекистоннинг барча кинотеатр ва кинозалларида кинонамойишларни тиклашни, бунинг учун уларни ягона тармоққа бирлаштиришни, бу орқали прокат тизимини жорий қилишни режалаштирган.
Марказ 10 майдан бошлаб вилоятларга чиқишни ва кинопрокат борасида амалга ошириладиган ишлар бўйича келишувлар амалга оширишни ва янги кинокартиналарни бир вақтнинг ўзида барча худудларда намойиш қилишни режа қилган.
Маълумотларга кўра, айни дамда республикада 350 та кинотеатр бор, бироқ барча премьералар ҳозирча фақат пойтахтнинг 1-2 кинотеатрларида намойиш этилади.
Юқорида санаб ўтилган мақсадлар амалга оширилса ўз-ўзидан прокат тушуми ошиб, киноижодкорларнинг янги кино яратишга кўпроқ маблағи бўлиб, ўз-ўзидан сифатли маҳсулот юзага келишига сабаб бўлади.
Марказ йил оҳиригача 50 та кинотеатрни тармоққа улашни режалаштирмоқда.
Маълумот ўрнида айтиш жоизки, бугунги кунда соҳада 350 дан зиёд юридик шахс ишлаб келмоқда, 2004-2017 йилларда Ўзбекистонда жами 475 та бадиий фильм яратилди.
21.06.2017, 09:40
20 июнь куни Швециянинг Женева шаҳрида Лола Каримова продюсерлигида суратга олинган “Мирзо Улуғбек. Осмон тоқига қўйилган нарвон” тарихий ҳужжатли фильмининг премьераси бўлиб ўтди. Фильм намойиши...
23.05.2017, 11:09
12 майдан бошлаб ишчи номи “Мафтунингман-2” бўлган фильмни суратга олиш ишлари бошлангани ҳақида аввалроқ хабар бергандик. “Dono Productions” кинокомпанияси томонидан қўл урилган навбатдаги йирик кино...
10.05.2017, 12:00
“Кинематографияни ривожлантириш маркази” илк катта лойиҳасини амалга оширди.Марказ ташаббуси билан ўзбекистонлик ёш кинорежиссёр Мухлиса Азизованинг фильмида бош ролни ижро этган россиялик таниқли кино ва театр...
03.05.2017, 16:58
Ўзбекистон Давлат санъат ва маданият институти талабаси, ёш режиссёр Мухлиса Азизованинг қисқа метражли “У” (“Она”) номли фильми 70-Канн Халқаро кинофестивалига тавсия қилинди.Бу ҳақда бугун Тошкентда...
