Испания чемпионати 36-турида Мадриднинг “Реал” жамоаси сафарда “Гранада” меҳмони бўлди. Деярли иккинчи таркиб билан ўйнаган мадридликлар 4:0 ҳисобида зафар қучди.
Ушбу ўйинда Хамес Родригес ва Альваро Мората дубль муаллифи бўлди. Эътиборлиси барча голлар ўйиннинг дастлабки 35 дақиқада киритилди.
Гранада – Реал Мадрид 0:4 (0:4, 0:0)
Голлар: 0:1 – 3 Хамес, 0:2 – 11 Хамес, 0:3 – 30 Мората, 0:4 – 35 Мората.
Гранада – Очоа, Хонгла, Сильва, Фулькье, Ингасон, Куэнка, Крхин (Ломбан, 46), Ангбан, Перейра (Энтрена, 81), Рамос, Малле (Агбо, 18).
Реал Мадрид – Касилья, Начо, Коэнтрау, Данило, Рамос, Хамес, Ковачич, Асенсио (Бензема, 59), Каземиро (Иско, 69), Васкес (Диас, 77), Мората.
Огоҳлантириш: Ингасон (88).
