Франция чемпионатининг жорий мавсум якунланишига 1 тур қолганида ушбу мавсумнинг энг яхши футболчиларини аниқлаш маросими бўлиб ўтди.
“Монако” жамоасининг иқтидорли футболчиси Килиан Мбаппе Франция чемпионатининг 2016/17 йилги мавсумда энг яхши ёш футболчиси дея этироф этилди.
Ўз маҳорати туфайли шуҳрат ва гранд клублар эътиборини қаратган ёш футболчи “Монако” билан ЕЧЛ ярим финалига қадар етиб борди. Аввалроқ, ПСЖ ҳужумчиси Эдинсон Кавани Францияда жорий мавсумнинг энг яхши футболчиси деб тан олингани ҳақида хабар берилганди.
