1. Мириқиб ухланг. Чунки уйқунинг гўзалликка ҳам таъсири бор. Ухлаганда танамиз дам олади ва тикланади.
2. Уйқуга ётишдан аввал юзингизни тер, косметик крем ва бўёқлардан тозаланг.
3. Танадаги сув мувозанатини ушлаб туринг. Кун давомида 1,5 литрдан кам бўлмаган миқдорда суюқлик ичинг. Ҳаво ҳарорати 25 даражадан ошса, ичиладиган суюқлик миқдорини 2 литрга оширинг.
4. Терини намлантиринг. Бунинг учун турли намлантирувчи крем ва лосьонлардан фойдаланинг.
5. Тўғри овқатланинг. Ўзингизни очлик ёки ортиқча тўқлик билан қийнаманг. Мева-сабзавотлардан кўпроқ тановул қилинг.
6. Киприкларингиздаги тушни тозалаш учун аввал юзингизни чайинг ва 2-3 дақиқа кутинг. Киприклардаги тушь ивигач, енгил ҳаракатлар билан чайиб ташланг. Кўз атрофидаги тери жуда нозик, уни қанча кўп ишқаласангиз, шунча тез ажин тушади.
7. Асабийлашманг. Гўзалликнинг энг катта душманларидан бири — стресс.
