United Airlines авиакомпаниясига тегишли самолётлардан бирининг парвоз вақтида двигатели ёниб кетди, деб хабар берди Ria.ru нашри.
Самолёт бортидаги барча йўловчилар эвакуация қилинди. Нашрнинг хабар беришича, Boeing 757 Нью-Жерсидаги Ньюарк Либерти халқаро аэропортидан Сан-Франциско томон йўл олган эди. Самолёт бортида 124 нафар йўловчи ва 7 нафар экипаж аъзоси бўлган. Самолётнинг ўнг томон двигатели ёнган. Ҳодиса туфайли 5 нафар йўловчи жабрланган. Аэропорт вақтинча ёпилди.
