Манчестердаги стадионда юз берган терактни амалга оширишда гумонланаётган Салман Абеди ҳужумга бир йил аввал тайёргарлик кўра бошлаган, деб ёзади The Times.
Ўтган баҳорда эркак банкда ҳисоб рақам очган бўлиб, уни бор йўғи икки марта портлаш мосламасини ясаш учун зарурий ускуналар сотиб олишга сарфлаган. Шубҳа уйғотмаслик учун у Манчестер яқинидаги иккита қурилиш дўконига борган.
Шундан сўнг Абеди бир неча ойга Ливияга жўнаган қайтгач эса, уй ижарага олиб бомбани ясаган.
Манчестердаги портлаш душанба куни кечқурун америкалик қўшиқчи Ариана Гранденинг концерти вақтида “Манчестер Арена” стадионида юз берган. Сўнгги маълумотларга кўра, 22 киши ҳалок бўлган, шундан болалар ҳам бор, ўнлаб одамлар яраланган. Полиция юз берган ҳодисани теракт деб баҳоламоқда.
