Сидней опера театри биноси вақтинчалик улкан арт-инсталляцияга айланди, деб хабар берди Tjournal.ru нашри.
26 май куни Австралияда дунёнинг турли мамлакатлари дизайнер ва рассомлари иштирокида ҳар йили ўтказиладиган Vivid Sydney фестивали ўз ишини бошлади. Сидней шаҳридаги барча биноларга, шу жумладан машҳур опера театрига ҳам турли-туман инсталляциялар ўрнатилди. Фестиваль 17 июнга қадар давом этади. Фестивалнинг илк куниданоқ, унинг иштирокчилари ижтимоий тармоқларга чироқлар фестивали акс этган суратларни жойлаштирди.
