Ҳиндистоннинг Тамилнад штатида ёввойи филнинг ҳужуми оқибатида 4 киши, шу жумладан 12 ёшли қиз ҳалок бўлди, икки киши тан жароҳати олди, деб хабар қилди Ria.ru нашри.
Ёввойи фил кечаси уйлардан бирига, одамлар ухлаб ётган хонага бостириб кирган, икки киши ва 12 ёшли қизга ҳужум қилган. Шундан кейин далага йўл олиб, у ерда ҳам икки нафар аёлни топтаган. Тан жароҳати олган одамларнинг ҳаммаси касалхонага келтирилганига қарамай, уларнинг ҳаётини сақлаб қолишнинг иложи бўлмади. Ёввойи филнинг чоршанба куни ўрмондан чиққанлигини аксарият одамлар кўрган. Ўрмон хўжалиги департаменти ходимлари ёввойи филни аҳоли яшайдиган пунктдан олиб чиқиш йўлларини изламоқда. Экологларнинг фикрича, филнинг ғазабланишига одамларнинг улар яшайдиган жойга бориб, безовта қилгани ва қурғоқчилик сабаб бўлган.
