Кинематографияни ривожлантириш маркази қисқа метражли фильмлар лойиҳалари учун танлов эълон қилди.
Танловда ўзи тақдим этган лойиҳа асосида қисқа метражли фильмни суратга олишни истовчи барча ёшдаги профессионал ва ҳаваскор ижодкорлар қатнашиши мумкин.
Танловда иштирок этиш учун Кинематографияни ривожлантириш марказининг www.krm.uz веб-сайти ва Facebook ижтимоий тармоғидаги саҳифасида жойлаштирилган шаклда тўлдирилган ариза ва унга илова қилинадиган ҳужжатлар тақдим этилади.
Ҳужжатларни тақдим этиш шартлари ва намуналари, танлов ўтказиш тартиби ва шартлари, талабгорлар томонидан тақдим қилинадиган материалларни баҳолаш мезонлари, шунингдек бошқа зарурий маълумотлар билан Марказнинг юқорида қайд этилган веб-сайти ва интернет тармоғидаги саҳифасида жойлаштирилган “Қисқа метражли фильмлар лойиҳалари танлови тўғрисида”ги Низомида танишиш мумкин.
Марказ қуйидаги лойиҳаларни кўриб чиқмайди:
Марказ танловда ғолиб бўлган энг яхши қисқа метражли фильм лойиҳасини молиялаштириш билан бирга лойиҳани тақдим этган ижодкорга фильмни ишлаб чиқариш ишларига кўмаклашади ва яратилган фильмни маҳаллий ва нуфузли халқаро кинофестивалларда қатнашишини таъминлайди.
Ҳужжатлар 2017 йил 1 июндан 25 июнгача қабул қилинади.
Ҳужжатлар “Кинематографияни ривожлантириш маркази” номига “Ўзбекистон почтаси” орқали юбориладиган муҳрланган конвертда ёки 100100, Тошкент шаҳри, Муқимий кўчаси, 8-уй манзили бўйича қабул қилинади. Маълумот учун телефонлар: (0-371) 230-91-91, 253-48-17.
Эслатиб ўтамиз, Кинематографияни ривожлантириш маркази Ўзбекистон Давлат санъат ва маданият институти талабаси, ёш режиссёр Мухлиса Азизованинг қисқа метражли “У” (“Она”) номли фильмини суратга олишга кўмаклашган.
Мазкур фильм 70-Канн кинофестивалининг қисқа метражли фильмлар бурчагида (Short Film Corner) кўплаб профессионал ижодкорларнинг асарлари қаторида намойиш қилинди.
