Ички ишлар вазирлиги соҳавий хизматлари ва ҳудудий ички ишлар органлари томонидан амалга оширилган ишлар юзасидан ҳафтанинг пайшанба кунлари ўтказиб келинаётган профилактика тадбирлари доирасида маълумот берди.
Мазкур йўналишда кўрилган чора-тадбирлар натижасида жорий йилнинг оҳирги беш ойи давомида 140 минга яқин шахс маъмурий жавобгарликка тортилди, 400 нафардан ортиқ қидирувдаги жиноятчилар қўлга олиниб, 300га яқин жиноятлар фош этилди. Ҳуқуқбузарликларнинг якка тартибдаги профилактикаси чора-тадбири сифатида 200 мингдан ортиқ профилактика суҳбатлар ўтказилди.
Асосий эътибор, вояга етмаганлар ва ёшлар тариясига қаратилиб, ўқувчи ва талабаларнинг ҳуқуқий онги ва маданиятини ошириш, уларнинг таълим муассасаларидаги давоматини таъминлаш бўйича тизимли ишлар амалга оширилмоқда. Бунинг натижасида, дарс машғулотларига сабабсиз қатнашмаган 37 минг нафардан ортиқ ўқувчилар аниқланиб, таълимга қайтарилди. Фарзандларини назоратсиз қолдирган ота-оналар ва таълим муассасалари ходимларига тегишли чоралар кўрилди.
