Ўзбекистонлик ФИФА рефериси Равшан Эрматов ЖЧ–2018 мусобақасидан аввал ўтказиладиган Конфедерациялар Кубоги–2017 турнирида видеотакрорлар бўйича рефери ассистенти вазифасини бажариши ҳақида хабар берилганди.
Россияда бўлиб ўтаётган мусобақада Равшан Эрматов навбатдаги ўйинга тайинлов олди. Ўзбекистонлик ҳакам “B”гуруҳи 2-туридан ўрин олган Германия – Чили учрашувида ишлайди, деб маълум қилмоқда ЎФФ матбуот хизмати.
Олдинроқ Равшан Эрматов Австралия – Германия (2:3) ўйинида видеотакрорлар бўйича ёрдамчи вазифасини бажарганди. Маълумот учун, Германия – Чили беллашуви эртага, 22 июнь куни Тошкент вақти билан 23:00 да бошланади.
Конфедерациялар кубоги–2017
2-тур | 22 июнь (пайшанба)
Германия – Чили
Бош ҳакам: Алиризо Фағони (Эрон)
Қанот ҳакамлари: Ризо Сухандон, Муҳаммадризо Мансури (иккиси ҳам Эрон)
Захира ҳаками: Марк Гигер (АҚШ)
Видеоассистентлар: Артур Диас (Португалия), Жо Флетчер (Канада)
Видеоассистнет ёрдамчиси: Равшан Эрматов (Ўзбекистон).
