Йилнинг энг дабдабали тўйларидан бири Италиянинг Триест шаҳрида бўлиб ўтди.
Swarovski империясининг 23 ёшли меросхўри, таниқли австралиялик хонанда Виктория Сваровски турмушга чиқди.
Виктория ва унинг 40 ёшли севгилиси, магнат Вернер Мурцнинг тўйлари тилларда достон бўлди. Улар тўйга келган меҳмонларни турли образлар билан лол қолдирди.
Тўй куни айниқса келиннинг кўйлаги барчанинг диққат марказида бўлди. Виктория 900 000 долларлик келин либосини кийди. 500 000 та кристаллар билан безатилган кўйлак 40 килограм оғирликка эга. Келин либосининг муаллифи эса дубайлик Майкл Синко бўлди.
Майкл Женнифер Лопес, Рианна, Бейонсе ва Леди Гага каби санъаткорларга турли образлар яратган.
Тўйда келин-куёвнинг қариндошлари, дўстларидан иборат 250 нафар меҳмонлар иштирок этди. Тўй тантаналари уч кун давом этиши кутилмоқда.
