Қабул комиссиялар иш бошлаганига 2 ҳафта бўлган бўлса, бугунги кунга қадар 115 минг абитуриентдан ҳужжат қабул қилинди.
Эслатиб ўтамиз, бу йилги квота 66 минг 586ни ташкил қилади.
29 июнь куннинг ярми ҳолатига Қарши давлат университетига киришни истовчилар сони 6049 нафарни ташкил қилди, ушбу ОТМга 1400 та квота ажратилган. Шундай қилиб ушбу университетнинг бир ўрнига 4,32 абитуриент кураш олиб боради.
Абитуриентлар ўртасида машҳурлик бўйича 6019 ариза билан иккинчи ўринда Термиз давлат университети квота 1800 ни ташкил қилади. Бу ерда бир ўрин учун 3,34 киши курашади.
Учинчи поғонани – Жиззах давлат педагогика университети эгаллади. Бу ерда қабул комиссияга 5647 киши ариза топширган. Квота 1820 кишини ташкил қилади.
Қабулга қолган кунларни инобатга олиб, ушбу ТОП-3 ўзгариши мумкин. Қабул комиссиялар 15 июлга қадар фаолият юритади.
Айни дамда энг кам аризалар Ўзбекистон давлат санъат ва маданият институтининг Нукус филиалига қабул қилинган (48).
