«Барселона» ҳужумчиси Неймарнинг «ПСЖ»га трансфери Испания футбол лигасининг (LFP) қатъий қаршилиги туфайли амалга ошмаслиги мумкин, дея хабар қилмоқда Sport нашри.
Лига раҳбарияти футболчининг шартномасидаги 222 млн евро эвазига бошқа клубга ўтиши мумкинлиги ҳақидаги бандни музлатиб қўйди, бунга футболчининг отаси ва каталонияликлар клуби ўртасидаги келишмовчилик сабаб бўлган.
Неймарнинг отаси «Барселона»дан 26 млн евро олиши керак эди, чунки ўтган йили бразилиялик футболчи жамоаси билан 2021 йилга қадар мўлжалланган шартнома имзолаган ва каталонияликлар катта Неймарга 26 млн евро миқдорида мукофот пули ваъда қилганлар.
Бироқ ҳозирда «кўк-анорранглилар» Неймар шартномасидаги муддатгача ўйнаб бермагунча ушбу пулни тўлашдан бош тортмоқдалар. Агар футболчи қоладиган бўлса, барча пул отасининг ҳисоб рақамига жўнатилади, тескари ҳолатда эса барчаси судгача бориши мумкин.
Будан ташқари, Тебас «ПСЖ» молиявий фейр-плей қоидаларини бузмай 222 млн еврони қандай йўл билан тўлашини тушунмаяпти. Айни дамда ҳужумчининг трансфери музлатилган.
