АҚШнинг Калифорния штатидаги Ридли шаҳрида Gar Tootelian кимё заводида кучли ёнғин кўтарилди, деб хабар берди Ntv.ru нашри.
Якшанба куни Калифорнининг Ридли шаҳридаги Gar Tootelian кимё заводи олов қаърида қолди. Ҳодиса юз берган тумандан портлаш овозлари эшитилди, бир неча километр узоқликдан ҳавога ўрлаган қора тутун кўринди. Гувоҳлар ва маҳаллий ОАВлар воқеа жойида суратга туширилган турли кадрларни чоп этишди. Ҳозирча қурбон бўлганлар ва ёнғиннинг келиб чиқиш сабаблари ҳақида маълумот берилмади.
