Америкалик олимлар ёлғизлик ва яккаланиб қолиш инсон ҳаёти учун катта хавф туғдиришини аниқлади, деб хабар берди Mir24.tv нашри.
Тадқиқот натижалари EurekAlert порталида чоп этилди. Олимларнинг фикрича, мулоқот нафақат инсоннинг руҳий хотиржамлигига, балки унинг ҳаётий фаолиятига ҳам жиддий таъсир кўрсатади. Олимлар 150 та экспериментда иштирок этган 300 нафар кўнгилли қатнашган икки тадқиқотни таҳлил қилишди.
Маълум бўлишича, ижтимоий алоқалар эрта ўлимни 50 % га камайтиради. Бундан ташқари жамиятдан ажралиб, яккаланиб қолиш семизликдан кўра хавфлилиги, инсоннинг эрта оламдан ўтишига олиб келиши аниқланди.
Илгари психологлар ёлғизлик инсоннинг худбин бўлишига сабаб бўлишини маълум қилган эди. Шу билан бирга, инсон худбинлашгани сари ёлғизлик ҳисси кучайиши исботланганди.
