Оқ уй ҳудудига АҚШ президенти Дональд Трампга ўхшаб сочини орқага тараган улкан пуфлама жўжа ўйинчоқ ўрнатилди, деб хабар берди Lenta.ru нашри.
Сиэтллик рассом Кейси Латиолайс томонидан лойиҳалаштирилган, Хитойда ясалган улкан жўжа Оқ уйнинг жанубий қисмига, Вашингтон ҳайкалидан узоқ бўлмаган жойга ўрнатилди. Пуфлама жўжа эгаси, ҳужжатли фильмлар режиссёри Таранг Синг Брэр бу билан у АҚШ президентининг “ожиз ва халққа фойдаси тегмайдиган раҳбар” эканлигини исботламоқчи бўлганлигини маълум қилди.
Брэрнинг фикрича, Трамп ўзининг солиқ декларациясини халққа ошкор этишдан жудаям қўрқади, Россия президенти Владимир Путинга қарши ҳеч нарса қилолмайди ва Шимолий Корея билан баҳслашишдан чарчамайди. Брэр пуфлама жўжани ўрнатиш учун Махфий хизмат ва Миллий боғ хизматидан рухсатнома олди. Мазкур пуфлама жўжалардан Трампга қарши ўтказилган норозилик намойишларида фойдаланилган эди. Намойишчилар Трампдан ўзининг солиқ декларациясини ошкор этишни талаб этишган эди.
