Хитойлик аёл янги туғилган қизчасини меҳрибонлик уйига топшириш учун курьерлик хизматидан фойдаланишга қарор қилди, деб хабар берди Lenta.ru нашри.
Нашрнинг хабар беришича, аёл почтага пластик пакет кўтариб келган. Пакет қимирлаб, ичидан бола йиғиси эшитилган. Курьер пакет ичини текшириб кўрмоқчи бўлганда, аёл бунга йўл қўймаган. Шундан кейин курьер полицияга қўнғироқ қилган.
Қизча касалхонага юборилди. Шифокорлар унинг туғилганига бир неча кун бўлганлигини, ҳозирда аҳволи қониқарли даражада эканлигини маълум қилди. Чақалоқнинг онаси қўлга олинди. У чақалоқни ташлаб кетишда айбланди. Аёлга беш йилгача озодикдан маҳрум этиш жазоси тайинланиши мумкин.
