Қарши-Бешкент йўлида техник носозлик туфайли газ ташиш автомобилида юзага келган ёнғин ҳақида хабар берди ФВВ ахборот хизмати.
Жорий йилнинг 15 август куни таҳминан соат 00:25 ларда Қарши туманидаги «Жанубгаз» АЖ га қарашли автогараж ҳудудидаги «Қарши-Бешкент» автомобиль йўлининг 6-7 км орасида «МАН» русумли суюлтирилган газ (пропан) ташувчи автомобильдан «ЗИЛ-130» русумли суюлтирилган газ (пропан) ташувчи автомобильга суюлтирилган газ тўлдириш вақтида чақнаш содир бўлган. Натижада, «ЗИЛ-130» русумли юк автомобиль ҳайдовчисининг ёрдамчиси тан жароҳати олган. Ҳозирда, жабрланган фуқаро Қарши шаҳридаги Республика шошилинч тез ёрдам илмий маркази Қашқадарё филиалига ётқизилган.
