Австралиялик профессионал бодибилдер қиз Миган Хеффорд (Meegan Hefford) жуда кам учрайдиган генетик касалликдан вафот этди, деб хабар берди Tengrinews.kz нашри.
У 19 июнь куни уйидан беҳуш ҳолда топилган. Касалхонага олиб борилганда қиз тўсатдан вафот этган. Ёш қизнинг ўлими унинг яқинлари учун ҳақиқий шок бўлди.
Миган икки фарзандни дунёга келтиргач, қатъий парҳезга риоя қилиб, қоматини ўз ҳолига қайтариш учун фақат оқсил моддали таомларни истеъмол қилган. Бу эса унинг ўлимига сабаб бўлди.
Орадан икки ой вақт ўтгачгина, шифокорлар фожиа сабабини маълум қилишди. Аниқланишича, спортчининг мочевина цикли бузилиб, организми у риоя қилаётган юқори протеинли парҳезни кўтара олмаган. Қизнинг ўзи хасталигидан бехабар бўлган. Парҳез оқибатида унинг қонида аммиак ва миясида суюқлик тўпланган.
