Хитойлик аёл қўлбола кўприкдан югуриб ўтгандан кейин бир неча сония ўтгач, кўприкни сув ювиб кетди, деб хабар берди Vesti.ru нашри.
Фожиали якун топиши мумкин бўлган ҳодисани воқеа гувоҳлари видеога олди.
Воқеа Хитойнинг жанубий қисмида жойлашган Вэньцяо шаҳрида рўй берди. Маҳаллий аҳоли кучли ёғингарчилик туфайли қутқарувчилар ёрдамида дарёнинг бир қирғоғидан иккинчи қирғоғига ўтказилди.
Кўприкдан энг охири ўтаётган аёл йўлнинг ўртасига келганда, одамлар қўлбола кўприкнинг бузилаётганлигини кўришди. Улар аёлни тезроқ югуришга ундашди. Аёл қирғоққа қадам қўйиши билан кўприкни сув вайрон қилди.
Маҳаллий ҳукумат вакилларининг сўзларига қараганда, июль ойида сув тошқини туфайли бетон кўприк бузилгандан кейин мазкур вақтинчалик қўлбола кўприк қурилган.
