Ҳиндистон, Непал ва Бангладешдаги кучли сув тошқини камида 500 кишининг ҳаётига зомин бўлди, деб хабар берди Vesti.ru нашри.
Айниқса Шимолий Ҳиндистон аҳолиси кўпроқ жабрланди. 16 миллион киши сув тошқини остида қолди. Ўнлаб дарёлар қирғоғидан тошди. Қутқарув ишларига ҳарбийлар ҳам жалб этилди, улар хавфли ҳудудлардан одамларни эвакуация қилмоқда. Аксарият туманларда озиқ-овқат ва дори-дармон танқислиги юзага келди.
Қизил ярим ой жамияти вазиятнинг оғирлашиб, эпидемия тарқалишидан хавфсирамоқда.
