Исландия пойтахти Рейкьвияк шаҳар марказидан 50 километр узоқликда жойлашган Кеблавик халқаро аэропортининг кутиш залига автомобиль келиб урилди, деб хабар берди Ria.ru нашри.
Нашрнинг хабар беришича, автомобилни 20 ёшли йигит бошқарган. Гувоҳларнинг маълум қилишича, йигит аввалига таслим бўлганини кўрсатмоқчи бўлгандай, қўлларини юқорига кўтарган. Олдига полициячи яқинлашганда, уни уриб, йиқитган.
Шундан кейин ҳайдовчи йигит йўлда турган машиналарнинг бирини олдига келиб, ойнасини уриб синдирган, автомобилда ўтирган аёлни мажбурлаб тушириб, машинасига ўтирган. Қўлга олинган машинада аэропорт кутиш залига келиб урилган. Айни пайтда ҳодиса оқибатида жабрланганлар сони аниқланмоқда.
