Андижон вилояти Пахтаобод тумани Тошқўрғон маҳалла фуқаролар йиғинида яшовчи, 1954 йилда туғилган К.Ф.нинг яшаш уйига номаълум шахслар очиқ қолган дарвозаси орқали кириб, ётоқхонасидаги шкаф тортмасидан жами 3100 АҚШ доллари, 2000 Россия рубли, нархи 1000 АҚШ долларига тенг бўлган 2 дона тилла занжир, 3 дона тилла узук ва 3 жуфт тилла сирғаларини ўғирлаб кетган.
Тозалаш-Антитеррор тадбири давомида, Пахтаобод туман ИИБ ходимларининг тезкор суриштирув ҳаракатларининг натижасида жиноят содир этган шахс ушланди. У Андижон вилояти Пахтаобод туманида яшовчи, 1998 йилда туғилган К.М. исмли аёл эканлиги аниқланди ва ундан далилий ашё сифатида 2600 АҚШ доллари, 1000 Россия рубли ва 80000 сўм пуллар олинган. Андижон вилояти ИИБ Матбуот хизмати хабарига кўра, тергов ҳаракатлари олиб борилмоқда.
