“Реал” ҳужумчиси Криштиану Роналду Испания Арбитраж судининг 5 учрашувдан иборат дисквалификацияни ўз кучида қолдиргани борасидаги қарорига муносабат билдириб ўтди.
“Яна бир нотўғри қарор. Адолатсизлик ҳеч қачон мени йиқита олмайди. Ҳар доимгидек мен янада кучлироқ бўлиб ортга қайтаман.
Мени қўллаб-қувватлаган барчага раҳмат айтмоқчиман”, – деб ёзган Роналду ўзининг твиттердаги саҳифасида.
Эслатиб ўтамиз, 32 ёшли ҳужумчи Испания Суперкубогининг «Барселона»га қарши биринчи учрашувида (3:1) четлатилгани учун бош ҳакам Рикардо Бенгоэчеани туртиб юборган ва шу жазога лойиқ кўрилганди.
