Ўзбекистон Республикаси Президенти, Қуролли Кучлар Олий Бош Қўмондони Шавкат Мирзиёев 28 август куни Самарқандга сафарининг иккинчи кунида Жануби-ғарбий махсус ҳарбий округининг “Каттақўрғон” дала ўқув майдонига ташриф буюрди. Давлатимиз раҳбари бу ерда бўлинмаларнинг ўзаро хамкорликда ўтказган оператив-тактик машқларини кузатди.
Шавкат Мирзиёев мамлакатимиз мудофаа тизимида қўлланиб келинаётган ҳарбий техника ва қурол-аслаҳалар, зирҳли техникалар ва разведка алоқа воситалари билан танишиб, ҳарбий мутахассислар билан суҳбатлашди.