«Ўзбекистон ҳаво йўллари» МАК Хитойнинг Гуанчжоу аэропортига илк юк парвозини амалга оширди.
20 сентябрь куни «Ўзбекистон ҳаво йуллари»нинг юк самолётида «Навои» халқаро аэропортидан Гуанчжоуга рейс амалга оширилди.
Янги юк авиақатновининг очилиши миллий авиаташувчига «Навои» аэропортидан халқаро қатновлар географиясини кенгайтириш имконини беради.
Ушбу авиақатнов ўзбекистонлик экспортчиларга янги имкониятлар эшигини очиб, икки мамлакат ўртасидаги иқтисодий бизнес-ҳамкорликни мустаҳкамлайди.
Айни дамда «Навои» халқаро аэропортидан Миллий авиаташувчининг самолётларида Франкфурт, Деҳли, Дубай, Шанхай ва Тяньцзиньга юк рейслари амалга оширилади.
